Jonli interaktiv virtual sinf
Ekranning narigi tomonidagi oʻquvchi ham darsga qoʻshilsin.
Test, soʻrovnoma, oq doska, guruh xonalari va mini oʻyinlar jonli darsning ichida. Dars tugagach, davomat, gapirish vaqti va test natijalari sizni hisobotda kutib turadi.
Superclass
Superclass Scholegening jonli dars platformasidir. Oʻqituvchi tayyorlagan dars sahnalari, PDF va rasmlarni butun sinfga bir vaqtda ochadi; test, soʻrovnoma, oq doska va guruh xonalari bilan oʻquvchini darsga jalb qiladi. Dars tugagach, davomat, test natijalari va faollik maʼlumotlari hisobotda tayyor boʻladi; tanlagan yozib olish rejimingizga qarab yozuv va transkript ham shu yerda.
- Format
- Vebga asoslangan jonli sinf; har kim darsga oʻsha dars uchun yaratilgan havola orqali kiradi
- Kim uchun
- Jonli dars oʻtadigan maktab va muassasalar, ularning oʻqituvchi va oʻquvchilari
- Maktabingizda
- Rejadagi jonli darslar va Speaking Club mashgʻulotlari
- Natija
- Oʻtkazilgan dars, davomat, test natijalari, faollik hisoboti va ixtiyoriy yozuv
Qanday ishlaydi
Jadvalga kiritilgan har bir dars hisobot bilan yakunlanadi.
- 1
Darsni rejalashtiring
Muassasangiz yoki LMS tizimingiz darsni sana, davomiylik, oʻqituvchi va dars ssenariysi bilan yaratadi. Biror kutilmagan holat yuz bersa deb, zaxira oʻqituvchini ham oldindan qoʻshib qoʻyishingiz mumkin.
- 2
Havolalarni yuboring
Oʻqituvchi va oʻquvchilar parol bilan ovora boʻlmaydi: shaxsiy havolasini bir marta bosib darsga kiradi. Darsni faqat kuzatadiganlar uchun alohida havola ham yaratish mumkin.
- 3
Darsni jonli oʻting
Sahnalar va PDF sahifalarini siz varaqlaysiz, ular hammaning ekranida bir vaqtda almashadi. Test, soʻrovnoma, doska va guruh xonalarini dars surʼatiga qarab ishga tushirasiz.
- 4
Davom etayotgan darslarni kuzating
Administrator jonli kuzatuv ekranida oʻqituvchining darsda bor-yoʻqligini, kamera, mikrofon va ulanishdagi muammolarni koʻradi. Oʻqituvchi ulana olmasa, zaxira oʻqituvchini tayinlaydi.
- 5
Hisobotlarga qarang
Dars tugagach, davomat, test natijalari, gapirish vaqti va faollik balini dars, oʻquvchi va oʻqituvchi kesimida koʻrasiz.
Hech kim akkaunt ochmaydi, parol yodlamaydi. Har kim oʻz havolasi orqali kiradi.
Ichida nimalar bor
Darsga jon kirgizadigan vositalar qoʻl ostingizda.
Bosib, oʻynab oʻtiladigan dars sahnalari
Fon, rasm, PDF, qisqa video, bosiladigan joylar va mini oʻyinlardan tuzgan sahnangiz hammaning ekranida bir vaqtda ochiladi. Moslashtirish, tartiblash va boʻsh joyni toʻldirish oʻyinlarida oʻquvchi faqat tomosha qilmaydi, oʻzi oʻynaydi.
Shu zahoti test, shu zahoti soʻrovnoma
Ballik testni dars davomida yoki oxirida oching. Bir savollik soʻrovnoma bilan sinfning kayfiyatini oʻsha lahzaning oʻzida bilib oling.
Umumiy doska, alohida guruh xonalari
Oq doska bir necha sahifada ishlaydi. Guruh xonalarida har bir guruhning videosi, doskasi va hujjatlari alohida; katta sinf kichik stollarga boʻlinadi.
Sahna ichidagi oʻqituvchi
Yashil fon yordamida oʻqituvchi dars sahnasining ichiga kiradi, buyumlarning oldida yoki ortida turadi. Endi u burchakdagi kichkina oynachada gapirib oʻtirgan odam emas.
Yozib olishni siz tanlaysiz
Yozib olish rejimi dars boshlanishidan oldin tanlanadi; odatiy holatda dars yozib olinmaydi. Ovozli rejimlarda kim nima deganini soʻzlovchilar boʻyicha ajratilgan transkript qayd etadi.
Davom etayotgan darslar bitta ekranda
Oʻqituvchi darsdami, kamerasi va mikrofoni yoniqmi, ulanishda muammo bormi? Administrator hammasini bitta ekranda koʻradi. Bu ekran hozir beta bosqichida.
Kimga qanday foyda
Oʻqituvchi darsiga eʼtibor beradi, muassasa esa xotirjam.
Oʻqituvchi
Dars oʻtayotib sinfni ham qoʻlda ushlab turadi: sahna, test, soʻrovnoma va guruh xonasi bitta sinfda. Dars tugagach, kim qancha gapirganini hisobotda koʻradi; jim qolganni taxmin bilan izlab oʻtirmaydi.
Oʻquvchi
Parolsiz, oʻz havolasi orqali darsga kiradi. Qoʻl koʻtaradi, chatga yozadi, mini oʻyinlarni oʻynaydi, guruh xonasida sinfdoshlari bilan ishlaydi.
Muassasa
Darslarni rejalashtiradi, davom etayotgan darslarni jonli kuzatadi, oʻqituvchi kelmasa zaxira oʻqituvchini ishga soladi. Qaysi dars haqiqatan oʻtganini ham hisobotlardan biladi.
Savol-javob
Qaror qilishdan oldin beriladigan savollar.
Oʻquvchilar akkaunt ochishi kerakmi?
Yoʻq. Oʻqituvchi va oʻquvchilar parol kiritmasdan, oʻsha dars uchun yaratilgan shaxsiy havola orqali qatnashadi. Oʻqituvchining havolasi faqat oʻsha dars vaqtida ishlaydi va boshqaruv paneliga yoʻl ochmaydi.
Maktabimiz foydalanadigan LMS bilan ishlaydimi?
Superclass API orqali ishlashga moʻljallangan: dars rejasi LMS tizimingizda qoladi, jonli dars esa Superclassda oʻtadi. Tizimingiz bilan qanday ulanishini oʻrnatish paytida birga aniqlaymiz.
Darslar yozib olinadimi?
Siz qanday tanlasangiz, shunday. Yozib olish rejimi dars boshlanishidan oldin tanlanadi: yozuvsiz (odatiy holat), ovoz va transkript, video yoki video va transkript. Dars boshlangach, rejimni oʻzgartirib boʻlmaydi.
Faollik bali oʻquvchining oʻzlashtirishini koʻrsatadimi?
Yoʻq. Ball darsda qolish, davomat, gapirish, qoʻl koʻtarish, chat, soʻrovnoma va testlarda qatnashish kabi dars ichidagi harakatlardan hisoblanadi. U oʻquvchi darsda qanchalik faol boʻlganini koʻrsatadi; til bilish darajasini yoki oʻquv natijalarini oʻlchamaydi.
Muassasalar maʼlumotlari bir-biridan alohidami?
Ha. Har bir muassasaning maʼlumotlari alohida saqlanadi: siz boshqa muassasaning yozuvlarini koʻrmaysiz, ular ham siznikini koʻrmaydi. Oʻqituvchining dars havolasi faqat oʻsha darsda ishlaydi, hisobotlar va boshqa darslarga kirish bermaydi.
Bularga ham qarang
Bular ham asqotishi mumkin.
Gaplashaylik
Jonli darslaringizni Superclassga koʻchirish haqida gaplashaylik.
Amaldagi tizimingiz bilan qanday ishlashi, oʻqituvchilarni tayyorlash va qaysi darslardan boshlashni uchrashuvda aniqlab olamiz.