Foydalanish shartlari

Oxirgi yangilanish: 2026-yil 13-noyabr

1. Sayt va xizmatlarimiz

Saytda Scholege maktablar, universitetlar va tashkilotlarga taqdim etadigan taʼlim dasturlari va mahsulotlar tanishtiriladi.

Saytdagi maʼlumotlar umumiy axborot berish maqsadida joylashtirilgan boʻlib, majburiy kuchga ega taklif hisoblanmaydi. Muayyan dasturning koʻlami, jadvali va shartlari tashkilotingiz bilan Scholege oʻrtasida tuziladigan shartnomada belgilanadi.

2. Saytdan foydalanish

Saytdan faqat qonunlarga va ushbu shartlarga muvofiq foydalanishingiz mumkin. Siz quyidagilarni qilmaslikka rozilik bildirasiz:

• Saytning ishlashini buzishga yoki xavfsizlik choralarini chetlab oʻtishga urinish
• Ruxsatimizsiz avtomatlashtirilgan vositalar yordamida Saytdan maʼlumotlarni ommaviy tarzda yigʻish
• Formalarni boshqa shaxs nomidan yoki chalgʻituvchi maʼlumotlar bilan toʻldirish
• Saytdan zararli dasturiy taʼminotni tarqatish yoki boshqalarning huquqlarini buzish uchun foydalanish

3. Bizga yuborgan maʼlumotlaringiz

Demo soʻrovi, aloqa yoki ariza formalari orqali yuborgan maʼlumotlaringiz toʻgʻri boʻlishi, oʻzingiz esa bu maʼlumotlarni taqdim etishga vakolatli boʻlishingiz kerak.

Shaxsga doir maʼlumotlaringizga qanday ishlov berishimizni Maxfiylik siyosati va Cookie siyosati sahifalarida tushuntirganmiz.

4. Intellektual mulk

Saytdagi matnlar, tasvirlar, videolar va dizayn, shuningdek Scholege nomi, logotipi hamda Scholegening mahsulot va dastur nomlari Scholegega yoki uning litsenziarlariga tegishli.

Ushbu materiallarni oʻz tashkilotingiz nomidan baholash maqsadida koʻrishingiz va Saytga havola berishingiz mumkin. Yozma ruxsatimizsiz ularni nusxalashingiz, oʻzgartirishingiz yoki ulardan tijorat maqsadida foydalanishingiz mumkin emas.

Uchinchi shaxslarning Saytda tilga olingan tovar belgilari va imtihon nomlari (masalan, AP, SAT, IB, IELTS, TOEFL va PTE Academic) oʻz egalariga tegishli boʻlib, faqat identifikatsiya maqsadida ishlatiladi.

5. Boshqa saytlarga havolalar

Saytda yangiliklar saytlari yoki mahsulotlarimizning oʻz saytlari kabi boshqa saytlarga havolalar boʻlishi mumkin. Bu saytlarning materiallari va maxfiylik amaliyoti uchun javobgar emasmiz.

6. Javobgarlik

Saytdagi maʼlumotlarning toʻgʻri va dolzarb boʻlishiga eʼtibor qaratamiz. Shunga qaramay, materiallarning toʻliq va xatosiz ekaniga yoki Saytning uzluksiz ishlashiga kafolat bermaymiz.

Saytdan foydalanish natijasida yetishi mumkin boʻlgan bilvosita zarar uchun amaldagi qonunchilik yoʻl qoʻyadigan doirada javobgar emasmiz. Ushbu band tashkilotingiz bilan tuzgan shartnomalarimizdan kelib chiqadigan huquqlaringizni hamda qonunlarda nazarda tutilgan, voz kechib boʻlmaydigan huquqlaringizni cheklamaydi.

7. Vakolatli sud

Ushbu shartlardan yoki Saytdan foydalanishdan kelib chiqadigan nizolarni koʻrib chiqish Amerika Qoʻshma Shtatlarining Delaver shtati sudlari vakolatiga kiradi.

8. Oʻzgartirishlar

Ushbu shartlarni vaqti-vaqti bilan yangilashimiz mumkin. Amaldagi matn shu sahifada eʼlon qilinadi; sahifa boshidagi sana oxirgi yangilanishni koʻrsatadi.

9. Aloqa

Ushbu shartlar boʻyicha savollaringiz boʻlsa, info@scholege.com manziliga yozishingiz mumkin.